Do you love Reading? You are in a right place with us. Register and join book talks on our Bookworm hub.
 
HomeFAQRegisterLog in

Share | 
 

 Si Yagyag at ang kanyang mahiwagang lapis at papel.

View previous topic View next topic Go down 
AuthorMessage
gemini20
Book Collector
Book Collector


Gemini Female
Humor : i want n0body, n0b0dy but Tiu! *clap clap*
Registration date : 2009-08-10
Points : 2864
Reputation : 1

20110315
PostSi Yagyag at ang kanyang mahiwagang lapis at papel.

Dear Diary,



Yehey! Nakapagsulat ulit ako sayo, dear diary. Napudpod na kasi yung lumang lapis ko at wala din akong pantasa. Di din ako nakabili ng bagong lapis dahil wala akong sariling pambili. Buti na lang binigyan ako ni Kuya Toto ng konting pera. Kaya heto ulit ako ngayon.


Musta ka na ba ha? Ako eto busy pa din. Busy sa pagbibilang ng butiki at sapot ng gagamba. Hay, dear diary, nasasawa na ako sa ganito. Kelan ba magbabago ang buhay ko?


Kanina pala, dear diary, nanuod kami nina nanay ng laban ng mga Mongols at Azkols sa tv. Nagtataka lang ako dear diary, bakit ba nila pinag-aawayan yung bola? Sipa sila ng sipa tapos pati mukha ng iba minsan nasisipa na nila.
Nagpapagod lang sila di ba?
Pero sa kabila nun nakikita ko yung determinasyon sa mga mukha nila na manalo sa laban.
Tapos yung mga tao eh apektadong apektado talaga sa laro.
Bawat hagis ng bola, bawat sipa at bawat salo ay buong puso nilang ginagawa.
Ang lahat ng pagod nila ay napapawi pag nakuha nila ang minimithing, anu tawag dun? Goal ata yun.


Buti pa ang larong football, may goal sa buhay. Alam nila ang target na dapat makuha.
May layunin.
May direksyon.
May pupuntahan.


Parang buhay din ng tao, dear diary...


Back to top Go down

 Similar topics

-
» Gem-Knight Lady Lapis Lazuli
» Lapis Lazuli...Blue Diamond?
» Kaze no Stigma Discussion
» Tougui's Rodrigo del Papel
» hon-john asks if this Papel mug is Crown Lynn .... Yes it is.
Share this post on: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

Si Yagyag at ang kanyang mahiwagang lapis at papel. :: Comments

Re: Si Yagyag at ang kanyang mahiwagang lapis at papel.
Post on Wed Mar 16, 2011 3:22 pm by ladymoonrose
cute nito sis thumbs up!
Re: Si Yagyag at ang kanyang mahiwagang lapis at papel.
Post on Fri Mar 18, 2011 9:31 am by gemini20
Dear Diary,


Magandang umaga! Ang aga ng pagsusulat ko, dear diary. Nagising ako sa pagbubunganga ni nanay. Sinesermunan na naman nya si Kuya Boyet. Aba ang loko eh nag-uwi ng babae. 'Gelpren' daw nya, itinanan. Mokong na yun. Paano nya bubuhayin yun? Kung sa kanya nga di kasya yung sweldo nya sa Jollibee eh nagdagdag pa ng pakakainin. Naku bahala sya.


Kanina nung inutusan ako ni mama bumili ng pandesal ay nakita ko yung kras ko, dear diary! Ang guwapo talaga! Hay, pangarap ko sya dear diary.
Sana..
Sana maabot ko din yung pangarap na yun..


Habang naglalakad na ako pauwi, ay napansin kong nagkukumpulan ang mga tao sa daan. Ano kaya ang meron? May krimen bang naganap? May artista?
Napagtanto kong ang dahilan nito ay isang meeting-- meeting ng mga palaka.
Mga palakang chismosa naming kapitbahay!


Kay agang huntahan at chismisan. Di pa ata nakakahilamos ay chismis na ang inaatupag.


Di pa ako nakakalayo nang nakita kong papalapit si nanay.
"Nay, san ka pupunta?" saad ko. "May tuturuan lang ako ng leksyon." wika nya.
Leksyon? Eh di naman sya teacher?


"Hoy! Mga hitad kayo! Kung wala kayong magawa sa buhay nyo eh wag nyo idadamay ang pamilya ko!" gigil na sigaw ni nanay.
Ang pinagmimeetingan pala ng mga palakang kapitbahay namin ay ang kuya Boyet at ang 'gelpren' nya.


"Nay, tama na yan. Nakakahiya." sabi ko.
Pero tuloy pa din ang dada ni nanay. Nagkakasagutan na din sila. Hinila ko na palayo si nanay. Pero bago nakalayo ay nagwika pa ito, "Huh! Mga inggitera kasi kayo! Wala kayong anak na nasa Canada! At si Boyet ko eh malapit na ding umalis papuntang Saudi. Kaya may ipapakain sya sa gerpren nya. Tingnan ko lang kung di kayo maglaway samin! Hahaha" pagmamayabang naman ni nanay.


Nay, bakit ako di mo ipinagyabang din?


Hay, ang mga pilipino nga naman. Mahilig sa chismisan.
Parang ginagawang agahan, tanghalian at hapunan ang pag-usapan ang buhay ng iba..



-tbc-
Re: Si Yagyag at ang kanyang mahiwagang lapis at papel.
Post on Fri Mar 18, 2011 11:02 am by gemini20
-cont-


Parte na marahil ng kultura nating mga pilipino ang chismis.
Sa twitter, facebook, radyo, tv, tabloid, sa parlor, palengke hanggang sa bilyaran dun sa kanto. Makasisiguro kang may chismis kang malalaman.


Nag-uumpisa yan madalas pag nagkita at nagkamustahan ang dalawang tao. Ang kamusta ay nauuwi sa 'uy, alam mo ba yung kumare natin..' hanggang sa humaba ang kwento.
Madalas din na ang isang chismis ay lumalala at nadadagdagan ng mga detalye na mas nakakapag palala ng kwento.
Tapos meron pa yang, 'uy, wag mo sasabihin sa iba. Atin atin lang 'to.'
Syempre, ang pinagchismisan ay di din makakatiis at ikukwento ito sa iba with matching 'atin atin lang ah?'.
Ang resulta? Yung kwentong 'atin atin lang' ay buong barangay na pala ang may alam.
Mag-uumpisa na din dyan ang komprontasyon nung taong 'pinagchichismisan' sa mga taong 'nangchismis'. Turuan lang ang magaganap. Wala namang aamin kung sino ang nagkalat. Tapos heto pa, dahil sa galit nung taong pinagchichismisan eh magkakalat din sya ng chismis tungkol sa mga taong nangchismis sa kanya. At ang walang patumanggang cycle ng chismisan ang magaganap.


Aba, di lang sa ordinaryong tao nagaganap ang chismis. Pati nga mga artista at celebrity meron din. Kaya nga bentang benta ang mga showbiz-oriented talk show eh. Nanunuod sila nun para makabalita ng mga panibagong chismis tungkol kina Angel Locsin at Marian Rivera.

Nakakatawang isipin na ayaw nating lahat ang pagchismisan pero mahilig naman tayong mangialam at pag-usapan ang mga buhay ng iba.


Sakit ng lipunan ba itong maituturing? O isang simpleng paraan lang upang kumawala sa hirap ng lipunan?
Sa twing tayo ay nakakarinig ng chismis ng iba ay natutuwa tayo. Natutuwa tayo na malamang hindi lang pala ikaw ang may kapintasan sa mundo. Hindi lang ikaw ang may dinadalang pasakit sa buhay.

Marahil nga malalim ang dahilan kung bakit maraming chismosa sa mundo. Pero isa lang ang sigurado, anumang kwento, kasinungalingan man o totoo, kapag ikinalat mo ay tyak makakasira at makakasakit ng isang tao.


Hay, dear diary naririnig ko na naman si nanay. Kausap nya si Aling Tonyang. Bespren nya kasi yun eh. Naglalabas siguro ng inis si nanay sa kanya.

"Mga taong yun. Walang ginawa kundi pakialaman ang buhay ng iba! Ayokong ayoko talaga yung nangingialam ng buhay ng may buhay! Mind der own biznes." wika ni nanay. Good point nay.


"Siya nga pala kumare, yung anak ni Ka Pedring na babae dumating kahapon. Ang ganda at kinis. Ang shorts, 'day, kita na kuyukot! San kaya talaga galing bansa yun? Baka sa Japan. Malamang siguro mare eh Japayuki yun anoh?."


Hayyy..
Si nanay talaga..
Echusera.
Re: Si Yagyag at ang kanyang mahiwagang lapis at papel.
Post on Fri Mar 18, 2011 11:09 am by ladymoonrose
wala bang like button dito

super like na lang thumbs up!


hehehehe happy
Re: Si Yagyag at ang kanyang mahiwagang lapis at papel.
Post on Fri Mar 18, 2011 11:22 am by gemini20
thank you ate arnz! Smile
ang kulit ng nanay ni Yagyag.hehe
mis u na!
Tnx sa pag-add fb!
Mwuah
Re: Si Yagyag at ang kanyang mahiwagang lapis at papel.
Post on Fri Mar 18, 2011 11:40 am by ladymoonrose
oo nga eh... kalokang nanay Razz
Re: Si Yagyag at ang kanyang mahiwagang lapis at papel.
Post on Fri Mar 18, 2011 12:27 pm by Kaye Cee
hangggg cuteeeeeeeeeeee!!!

sige sulat ka pa sa diary dali!!
Re: Si Yagyag at ang kanyang mahiwagang lapis at papel.
Post Today at 1:45 pm by Sponsored content
 

Si Yagyag at ang kanyang mahiwagang lapis at papel.

View previous topic View next topic Back to top 

Page 1 of 1

Permissions in this forum:You cannot reply to topics in this forum
Bookworm's Hub :: Aspiring and Guest Author's Lounge :: The Freelance Writer Corner-
Jump to: